E Pumanan di Piedra Plat ta tri-campeon ganando nan di tres titulo sigui
–
–
Reangelo Boekhoudt ta habri marcacion den e partido na minuut 47, Britannia 1 – 0 Sporting. No mucho despues na minuut 51, defensor Edhyon Hersilia ta anota pa haci e wega 2-0 p’e Pumanan (Britannia 2 – 0 Sporting). E partido ta bira interesante despues di un auto-gol di e propio Hersilia, ora c’un biento duro ta causa efecto rib’e bala ora cu el a purba rechasa un bala cerca di e area penal (Britannia 2 – 1 Sporting). Na minuut 88, Britannia ta haya un pinalti y Pieter Susebeek ta anota pa haci e wega 3-1 p’e oncena di Piedra Plat (Britannia 3 – 1 Sporting). Asina e partido ta termina tambe, Britannia ta campeon pa di tres anja consecutivo. Pabien Britannia y pabien n’e sub-campeon Sporting den nan prome campeonato den Division di Honor, un gran logro pa ambos club.
