Diabierna 10 di april, nos Referee Department (RD) di AVB a duna inicio oficial na e curso di Referee BRC 1 pa 2026. Nos ta orguyoso di mira un grupo motiva cu ta consisti di 11 participante: 5 dama y 6 caballero.
Participantenan a subi veld pa siña y identifica e puntonan mas importante di un veld di futbol. Pa despues bolbe subi veld pa practica posicionamento corecto di referee y asistentenan den 14 ehercicio diferente. Alabes tabata tin sesion teorico den lokaal cu enfoke riba reglanan y analisis di video.
Nos ta contento di e dedicacion cu e participantenan ta mustra te cu awo, y nos ta desea tur hende hopi exito den nan trayecto como referee.
